最衰都係特朗普，咁早讲想「收返」巴拿马运河做咩？差啲令长和卖唔出港口业务，如果呢单交易早点公布，就会被绝大多数媒体讚话好，而唔会好似现时咁被「爱国人士」閙到狗血淋头咁离谱。
最衰都係特朗普，明明黑石用甚高价至将该批港口买到，仲要四处认叻出风头，搞到有不少人以为交易有咩大损失或政治因素，如果佢真係有加入威逼恐吓，成交价为咩要咁高？现在交易尚未完成，再有人搞事的话，分分钟搞到买家唔认数，随便乱讲风凉话唔使找数，交易告吹乃香港损失，中央亦冇着数，到时岂非变成爱国不成反累港？谁竟会讚赞成咁做？
最衰都係特朗普，点解唔奉行自由贸易？狂叫国家优先，打压企业令全球营商乱晒套！甚至感染他人有样学样，盲目叫嚣国家优先，其他必须让路，不由分说给你「戴帽」，亦反映出原来甚多人不懂何谓一国两制及为何要推行一带一路，要与世界「接轨」就不能只坚持单一制度，随便排斥就易走火入魔，重回封闭之途！美国前车之鉴，为防被其传染，备好抗生素(认真学习认识)。
最衰都係特朗普，以为取得运河就係好，其实要计算效率声誉及回报，就算巴拿马运河可得到，营运支出必然高，贵价就冇生意做，管理却似收买路钱强盗，他国船队都会视之为畏途，只得美国人自己使用，必定年年亏损，美国公司都要倒，后果其实好易估到，到时会唔会觉得当年出售业务卖得好兼眼光独到？